“Policia humbi kontrollin”, thotë ish-ministri për arrestimin e Bllakos

“Policia gjatë ditës së djeshme ka humbur kontrollin mbi këtë operacion, por nuk do ta pranojë”. Kështu deklaroi ish-ministri i Drejtësisë, Ylli Manjani për vetëdorëzimin në polici të ish-deputetit të PS-së, Alqi Bllako.

“Njoftimi i SPAK është i sakti, i duhuri sepse SPAK i referohet dokumenteve zyrtare. Në dokumentet zyrtare rezulton ora 3 e mëngjesit ora e ekzekutimit të vendit të gjykatës. Opinioni publik duhet të besojë SPAK”, u shpreh Manjani.

Ai nënvizoi se lëvizjet kanë qenë për një tentative për t’u larguar drejtësisë, por mesa duket ka qenë e dështuar.

Mëngjesin e së martës SPAK përgënjeshtroi Policinë e Shtetit për vetë-dorëzimin e ish-deputetit të Partisë Socialiste, Alqi Bllako.

Sipas SPAK, Bllako u dorëzuar vetë në Drejtorinë e Policisë së Tiranës në orën 03:30 të datës 1 prill dhe jo mbrëmjen e 31 marsit, siç u njoftua nga Policia e Shtetit.

Bllako akuzohet për shpërdorim detyre dhe korrupsion për çështjen e inceneratorit të Fierit.

LEXONI GJITHASHTU:

• Të shtunën Alqi Bllako del para Gjykatës së Posaçme
• SPAK përgënjeshtron Policinë për vetëdorëzimin e Alqi Bllakos