Policia zbulon vrasësin e Nikulaj: Jemi 100% të bindur, është një shtetas portugez
Policia e Shtetit ka mundur të zbulojë personat e përfshirë në vrasjen e biznesmenit në Shëngjin, Ardian Nikualaj.
Gjatë një konference të jashtëzakonshme për shtyp, Drejtori i Policisë së Shtetit Muhamet Rrumbullaku, tha se policia ka prova të pakontestueshme se ekzekutori i Nikulaj është një shtetas portugez.
Ai shtoi se janë shpallur urdhër arrestet dhe për 5 persona të tjerë të përfshirë në ngjarje. Sipas tij ata janë shtetas britanikë dhe janë larguar nga Shqipëria pas vrasjes.
Rrumbullaku shtoi se motivet e ngjarjes lidhjen me gjakmarrjen dhe se po punohet me partnerët për arrestimin e personave të përfshirë.
“Grupi hetimor dhe oficerët e policisë gjyqësore, jemi 100% të bindur në lidhje me ekzekutorit i cili është shtetas portugez, për të cilin sigurojmë të gjitha provat shkencore të nevojshme. Në lidhje me sigurimin e provave ju garantojmë se kemi siguruar prova të plota që përcaktojnë autorësinë dhe rolet e të gjithë personave të dyshuar. Jemi në fazën e dytë të operacionit për të kapur me partnerët personat e përfshirë”, tha Rrumbullaku.
Në përfundim të këtyre veprimeve paraprake, nga provat shkencore të siguruara, deklarimet dhe sekuestrimet në cilësinë e provës materiale të sipërpërmendura, nga Prokuroia pranë Gjykatës së Shkallës së Parë Lezhë dhe Gjykata e Shkallës së Parë Lezhë janë caktuar masat e sigurisë për 6 shtetas, si autorë të dyshuar të vrasjes së 51-vjeçarit, dhe konkretisht:
1. E. H., shtetas me shtetësi shqiptare dhe britanike,
2. R. R. S., shtetas portugez,
3. H. J. S., shtetas britanik,
4. H. B., shtetase britanike,
5. TH. M., shtetas britanik,
6. S. P. H, shtetas britanik,
LEXONI GJITHASHTU:
Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Vritet një polic gjatë një operacioni në Maliq, plagoset një tjetër
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet