Politikanët dhe ish-zyrtarët e paraqitur ditët e fundit në SPAK

Ditët e fundit, politikanë dhe ish-zyrtarë janë paraqitur në zyrat e Strukturës së Posaçme kundër Korrupsionit dhe Krimit të Organizuar (SPAK).

• Xhelal Mziu paraqitet në SPAK për kallëzimin e Rakip Sulit

Pranë organit të akuzës, ishte deputeti demokrat Xhelal Mziu i cili u paraqit këtë të mërkurë.

Ai është thirrur në SPAK për të dhënë deklarimet e tij, lidhur me kallëzimin e Rakip Sulit. Kryebashkiaku aktual kallëzoi Mziun për shpërdorim detyre, pasi sipas tij dyshohet të ketë favorizuar subjekte private.

Lexoni për më shumë: Xhelal Mziu paraqitet në SPAK për kallëzimin e Rakip Sulit

• Taulant Balla paraqitet në SPAK për çështjen “Partizani”

Dy ditë më parë, në SPAK u paraqit kryetari i Grupit Parlamentar të Partisë Socialiste, Taulant Balla.

Ai u thirr për të dëshmuar çfarë informacionesh disponon për çështjen “Partizani”. Ky kallëzim është bërë nga vetë Balla për aferën e privatizimit të ish-kompleksit “Partizani” ku është ndërtuar një kompleksh pallatesh.

Lexoni për më shumë: Taulant Balla paraqitet në SPAK për çështjen “Partizani”

• “Rrini të qetë”, Blendi Gonxhe në SPAK: Isha për një verifikim

Po më 25 korrik, edhe drejtori i Drejtorisë së Përgjithshme të Transportit Rrugor, Blendi Gonxhe ishte në zyrat e Strukturës së Posaçme.

Ai është shprehur pas dëshmisë në SPAK se u pyet për një verifikim që nuk ka lidhje me insititucionin që drejton. Gonxhe nuk preferoi të jepte detaje nga çështja, por nënvizoi se është sekret shtetëror.

Lexoni për më shumë: “Rrini të qetë”, Blendi Gonxhe në SPAK: Isha për një verifikim

• ‘Pyesni në SPAK’, Dritan Leli pas marrjes në pyetje nga organi i akuzës

Më 22 korrik dëshmoi në SPAK kreu i Bashkisë Vlorë, Dritan Leli.

Ai u largua nga zyrat e Strukturës së Posaçme, pas më shumë se një orë në pyetje në organin e akuzës. Leli nuk u prononcua në media në lidhje me çështjen që ishte thirrur.

Lexoni për më shumë: ‘Pyesni në SPAK’, Dritan Leli pas marrjes në pyetje nga organi i akuzës

• ‘Nuk i druhem përgjegjësisë’, Beqaj flet pas marrjes në pyetje nga SPAK

Më 18 korrik, ish-ministri i Shëndetësisë, Ilir Beqaj qëndroi për më shumë se 9 orë në zyrat e SPAK-ut, ku u mor në pyetje.

Beqaj u shpreh se është thirrur në cilësinë e personit i cili ka dijeni për këtë çështje, teksa theksoi se nuk i druhet përgjegjësisë.

Lexoni për më shumë: ‘Nuk i druhem përgjegjësisë’, Beqaj flet pas marrjes në pyetje nga SPAK

• VIDEO | Ish-kryebashkiaku i Dibrës paraqitet në SPAK

Më 28 qershor, ish-kryebashkiaku i Dibrës, Muharrem Rama u paraqit në SPAK.

Nuk dihen ende arsyet pse ish-kryebashkiaku ndodhet në zyrat e Strukturës së Posaçme kundër Korrupsionit dhe Krimit të Organizuar.

Lexoni për më shumë: VIDEO | Ish-kryebashkiaku i Dibrës paraqitet në SPAK