PPE miratoi rezolutën e PD për zgjedhjet, reagon Rama: Alibia e humbjes ka filluar

Kryeministri Edi Rama ka reaguar me anë të një postimi në X lidhur me miratimin unanim që PPE bëri për rezolutën e propozuar nga Partia Demokratike për zgjedhjet e 11 majit.

Kryeministri Rama e ka cilësuar këtë rezolutë si një alibi të Partisë Demokratike për humbjen që sipas tij kjo forcë politike do të ketë në 11 maj.

“Alibia e humbjes paska filluar në gjirin e PPE, ku salla bosh e partive simotra paska votuar unanimisht fletë-rrufenë e Kënetës Madhështore për humbjen e lirisë së zgjedhjeve. Një tekst kua-kua-kuash që tregon se iluzioni i ëmbël i Latif magjistarit, po ia le vendin ndjesisë së hidhur të humbjes madhështore të 11 majit”,-shkruan Rama në X.

Alibia e humbjes paska filluar në gjirin e PPE, ku salla bosh e partive simotra paska votuar unanimisht fletë-rrufenë e Kënetës Madhështore për humbjen e lirisë së zgjedhjeve🤡Një tekst kua-kua-kuash që tregon se iluzioni i ëmbël i Latif magjistarit, po ia le vendin ndjesisë së…

— Edi Rama (@ediramaal) April 30, 2025

Kujtojmë se Partia Popullore Europiane (PPE) ka miratuar një rezolutë të propozuar nga Partia Demokratike e Shqipërisë. Në këtë rezolutë të propozuar nga PD ngrihet shqetësimi për manipulimin elektoral, kapjen e shtetit dhe rrënimin e standardeve demokratike në Shqipëri nën qeverisjen e Edi Ramës, në prag të zgjedhjeve të 11 majit 2025.

LEXONI GJITHASHTU:

• PPE miraton unanimisht rezolutën e propozuar nga PD për zgjedhjet e 11 majit
• Berisha takon Abdixhikun në Kongresin e PPE: Front i bashkuar për kauzën kombëtare