Prefekti i Tiranës: Kam urdhëruar Bashkinë për t’u ardhur në ndihmë banorëve të pallatit të djegur

Prefekti i Tiranës, Shkëlqim Hajdari, foli lidhur me zjarrin që përfshiu një pallat pranë QSUT në kryeqytet, duke theksuar se pas përfundimit të operacionit do të nisin menjëherë veprimet hetimore për zbardhjen e plotë të ngjarjes.

Prefekti tha se pas situata ishte kritike dhe të gjitha forcat, zjarrfikësja, FNSH, zjarrfikës janë në gatishmëri.

“…Një operacion shumë i vështirë. Kemi të dëmtuar me djegie dhe dëmtime të karakterit jo të rëndë. Janë nxjerrë disa banorë të pamundur nga gjendja shëndetësore. Para 10 minutash u evakuua një person i moshuar. Për të qetësuar të gjithë opinionin publik zjarri është vënë nën kontroll. Por operacioni do të vazhdojë deri në fund, kur të neutralizohet i gjithë zjarri”, tha Prefekti i Tiranës.

I pyetur nga gazetarja Sara Demushi se çfarë do të ndodhë me familjet që humbën shtëpitë nga zjarri dhe ku do të flenë ata sonte, prefekti i Tiranës u shpreh:

“…. kam urdhëruar bashkinë e Tiranës dhe emergjencat civile, që ata do kenë mundësi të jenë në ambiente të tjera, por sigurisht jam i bindur që nuk do ketë nevojë. Ne jemi shqiptarë, kanë kushërinj, halla daja…por ne jemi gati”, tha Hajdari.