Prençi: Informacionet sekrete që mori Rrumbullaku në 21 Janar dhe masat që morëm

Ish-drejtuesi i policisë Shemsi Prençi, tha në “Now me Erla Mëhillin” se në 21 Janar 2011, policia kishte marrë informacione se protesta që do të zhvillohej, do të ishte më e dhunshme se një kryengritje.

Ai tha se policia ka vepruar në bazë të të gjitha rregullave dhe se asnjë efektiv i policisë nuk ka qenë i armatosur.

“Më 21 Janar 2011, e ka vlerësuar ICITAP-i dhe PAMECA, dy organizata monitoruese të policisë së shtetit kanë hartuar dy raporte koncize dhe të hollësishme mbi mënyrën e menaxhimit që ka bërë policia e shtetit. Ish-drejtuesi i operacionit, në atë kohë zëvendës drejtor i përgjithshëm i policisë, sot ëhstë drejtor i përgjithshëm i policisë së shtetit, Muhamet Rrumbullaku. Unë e kam patur epror.

Me një plan të detajuar, të hartuar paraprakisht, duke patur në konsideratë informacionet që kishin ardhur nga shërbimi informativ shtetëror dhe nga shërbime të policisë kriminale, që kjo nuk do ishte thjesht një protestë e dhunshme, por do ishte më shumë se sa një kryengritje.

Ka rezultuar se është një nga protestat më të dhunshme. Përjashto ngjarjet e 97-ës, 21 Janari ka qenë protesta më e dhunshme. Propocionaliteti i veprimtarisë së policisë, në raport me agresivitetin e turmës ka qenë në përputhje të plotë, madje policia nuk ka reaguar aq sa e dhunshme ishte turma”,-tha Shemsi Prenci.

LEXONI GJITHASHTU:

• Xhaxhai i Aleks Nikës zbulon takimin me Altin Dumanin: Çfarë folëm për 21 Janarin
• Dosja “21 janari”, gazetari tregon se çfarë kanë kërkuar autoritetet italiane