Prençi: Janë 5 ministra që rrezikohen nga SPAK, njëri ka dalë në përgjimet e Sky

Ish-drejtuesi i Lartë i Policisë së Shtetit, Shemsi Prençi, i ftuar në Euronews Albania, foli në lidhje me situatën politike në vendin tonë si dhe për drejtësinë.

Ai nënvizoi se nga SPAK janë të rrezikuar 5 ministra të cilët po hetohen për platformën Encro Chat, për keqpërdorim të fondeve të BE-së dhe për keqpërdorim të tenderave.

“Nga informacionet që kemi grumbulluar dhe lexuar muajt e fundit, parashihet se qeveria e ndarë në dy kategori, ministra të kategorisë së parë dhe të dytë. Nga institucionet që nuk varen nga Rama, rrezikohen 5 ministra të kategorisë së parë, jo nga Rama.  Njëri rrezikohet nga platforma Encro Chat, njëri  rrezikohet   nga keqpërdorimi I fondeve të BE. Tre ministra të tjerë të kategorisë së parë rrezikohen nga keqpërdorimi dhe nga keqadministrimi I fondeve dhe pasurive kombëtare, dhe keqpërdorimi i tenderave dhe i koncensioneve, abuzimi, i faktuar në koncensionet në Ministrinë e Shëndetësisë dhe më tutje. Janë 5 ministra, që rrezikohen nga SPAK”- tha ai.

LEXONI GJITHASHTU: 

• Zeka komenton vizitën e Osmanit: Në 120 vite Tirana e Prishtina s’kanë qenë më keq
• Flet për herë të parë Edvin Kulluri: Ja pse u bashkova me Bashën!