Presidenti i Azerbajxhanit nesër në Tiranë, takim me Ramën dhe Begajn

Presidenti i Republikës, Bajram Begaj do të mirëpresë nesër në Tiranë, Presidentin e Azerbajxhanit, Ilham Aliyev, i cili viziton për herë të parë Shqipërinë.

Vizita e delegacionit të nivelit të lartë nga Azerbajxhani, ku Presidenti Aliyev shoqërohet ndër të tjera dhe nga anëtarë të kabinetit qeveritar, shënon një pikë të rëndësishme të marrëdhënies dypalëshe Shqipëri-Azerbajxhan.

Kreu i Shtetit të Azerbajxhanit do të pritet në një ceremoni shtetërore në Pallatin e Brigadave, e cila pritet të fillojë rreth orës 10:30.

Pas ceremonisë, krerët e shteteve do të zhvillojnë një takim rreth 30 minuta në ambientet e Pallatit të Brigadave.

Në përfundim të takimit, rreth orës 11:20 Presidenti Begaj dhe Presidenti Aliyev do të mbajnë një deklaratë për mediat.

LEXONI GJITHASHTU:

• “Protesta drodhi regjimin e Ramës”, Berisha tregon mesazhin që u dha ndërkombëtarëve
• ‘Si miting për mbyllje fushate’, Poli Hoxha zbulon çfarë tha një prej demokratëve
• “Pa moral”, Poli Hoxha ‘skanon’ protestën e së shtunës: Mesazh për ndërkombëtarët