“Pa moral”, Poli Hoxha ‘skanon’ protestën e së shtunës: Mesazh për ndërkombëtarët

Gazetari Poli Hoxha u shpreh në një intervistë për Euronews Albania  se protesta e opozitës ishte pa moral.

Ai tha se Sali Berisha dhe Ilir Meta me këtë protestë donin t’i tregonin ndërkombëtarëve se kanë mbështetjen e popullit.

Gazetari e cilësoi protestën pa një frymë të shëndetshme.

“Nuk u ndje fryma e protestës. Meta ende pa ikur njerëzit u shfaq tek selia e LSI-së, u largua. Unë kuptova se këta të dy donin t’i tregonin ndërkombëtarëve që ja, ne kemi njerëz. M’u duk si një imitim sesa një protestë. Unë do e quaja një zhgënjim. Protesta e opozitës ishte pa moral”, tha ai.

Të shtunën protesta e opozitës përpara Kryeministrisë zgjati vetëm 2 orë. Në protestë pati 20 folës, ndër to kryedemokrati Sali Berisha dhe kreu i Partisë së Lirisë, Ilir Meta.

Të dy liderët hodhën akuza në drejtim të kryeministrit Edi Rama për shpopullimin e vendit, situatën ekonomike dhe korrupsionin.

Protestuesit çanë kordonin e policisë dhe hynë në oborrin e Kryeministrisë, ku hodhën bojë në dyert dhe dritaret e godinës.

Për mbarëvajtjen e protestës ishin në gatishmëri rreth 1000 efektivë policie, teksa disa akse rrugore u mbyllën që prej orës 15:00.

LEXONI GJITHASHTU:

• Përfundon protesta: Berisha-Meta akuza Ramës, protestuesit çajnë kordonin e policisë
• “Punoj në shtet, kam dalë si qytetar”, protestuesi tregon pse iu bashkua protestës
• VIDEO/ Demokratët e Shkodrës i bashkohen protestës