Presidenti i Azerbajxhanit për herë të parë në Shqipëri

Për herë të parë Shqipërinë e viziton sot Presidenti i Azerbajxhanit, Ilham Aliyev.

Ceremonia shtetërore do të zhvillohet në Pallatin e Brigadave, ndërsa është parashikuar dhe një konferencë e përbashkët për shtyp.

Aliev ishte një nga mbështetësit e rëndësishme së bashku me Turqinë për ndërtimin e gazsjellësit TAP në territorin e Shqipërisë, konsideruar si një nga investimet më të rëndësishme për vendin.

Gazsjellësi Trans Adriatik është pjesë e Korridorit Jugor të Gazit, që transporton gaz natyror në Evropë nga fusha Shah Deniz II në Azerbajxhan. TAP-i është 878 kilometra i gjatë: 773 kilometra në pjesën tokësore dhe 105 kilometra në pjesën detare.

LEXONI GJITHASHTU:

• Presidenti i Azerbajxhanit nesër në Tiranë, takim me Ramën dhe Begajn
• Liderët e Armenisë dhe Azerbajxhanit takohen në Pragë me ndërmjetësimin e BE