Presidenti i ri i Argjentinës, gazetarja Zamar: Shokuese, askush nuk e di kush është

Gazetarja Guadalupe Zamar është shprehur se është shokuese zgjedhja në postin e presidentit të Argjentinës e Havier Milei.

Përmes një lidhjeje në Euronews Albania, Zamar u shpreh se askush në Argjentinë nuk e di se kush është realisht Milei.

Ajo tha se edhe mënyrja e ngjitjes së tij në karrierë është qesharake, pasi sipas saj, ai e nisi si një ekonomist që jepte shfaqje televizive dhe nuk ka pasur pozicione udhëheqëse.

“Askush në Argjentinë nuk e di se kush është ai realisht dhe për të gjithë ka qenë shokuese që u zgjodh president i Argjentinës.

Qesharake për të është fakti se karriera e tij në politikë ka qenë meteorike, e nisi si ekonomist që dilte në disa shfqaje televizive, në mënyrë të veçantë dhe në mënyrë të papritur ai kandidoi si deputet për katër vite dhe kjo është eksperienca e parë dhe e vetme e tij.

Ai kurrë nuk ka qenë në një pozicion udhëheqësi. Kështu për të gjithë ishte një shok, të gjithë po mundohemi të kuptojmë fenomenin Milei dhe faktin që ai u zgjodh”, është shprehur Zamar.

 LEXONI GJITHASHTU: 

• “Simbol i humorit shqiptar”, aktorët homazhe për mjeshtrin e madh Zef Deda
• Distancohet nga Moska, presidenti i ri i Argjentinës në mbështetje të Ukrainës