Prije e frikshme në RMV, 32 të vdekur nga Covid-19 në 24 orë

Pandemia e Covid-19 vijon të marrë jetë njerëzish në Maqedoninë e Veriut. Ministria e Shëndetësisë bën të ditur se në 24 orët e fundit ka kryer 2019 teste të dyshuara, ndërsa 820 prej tyre kanë rezultuar pozitivë, kurse 32 qytetarë kanë humbur jetën.

 Pavarësisht rritjes së infektimeve, prirja e të shëruarve ditët e fundit ka ardhur në rritje të konsiderueshme, kurse në harkun kohor të 24 orëve janë shëruar 895 pacientë.

Aktualisht në të gjithë territorin e Maqedonisë së Veriut  janë diagnistikuar me coronavirus 61 543, që nga fillimi i pandemisë, ndërsa numri i viktimave ka shkuar në 1731, shifër kjo tepër e lartë në krahasim me Shqipërinë dhe Kosovën.

Një tregues tjetër, i cili po shqetëson jo pak autoritetet ka të bëjë me numrin e rasteve aktive. Ministria e Shëndetësisë thekson se numri i personave aktivë në RMV ka shkuar 21 412.

Pas shtimi të rasteve të reja, qeveria e Maqedonisë së Veriut shpalli gjendjen e krizës në të gjithë territorin e vendit. Gjendja epidemiologjike në shtetin fqinj konsiderohet e rëndë, kurse shpallja e gjendjes së krizës është vetëm një prej masave që është marrë dhe do jetë në fuqi për 30 ditë.