Primaret e Rithemelimit për zgjedhjet në Kukës më 27 gusht

Kryesia e Rithemelimit të PD në mbledhjen e saj për organizimin e procesit zgjedhor për Primare për zgjedhjet e pjesshme të datës 24 shtator 2023 në Bashkinë Kukës vendosi që primaret të mbahen ditën e diel, më 27 gusht.

Dega propozoi 10 kandidatura, 6 nga të cilët kanë plotësuar formularin.

“Dega Kukës pas mbledhjes së Kryesisë realizuar me drejtuesin politik të qarkut në datën 16 gusht 2023 ka mbledhur kandidaturat për primaret për zgjedhjet vendore të datës 24 Shtator 2023. Dega ka sjellë 10 propozime të cilat janë kontaktuar nga Sekretariati Organizativ dhe janë ftuar të plotësojnë dokumentacionin e kandidimit për Primaret. Deri sot, në afatin e fundit për pranimin e dokumentacionit kanë plotësuar formularët 6 kandidatë, nga te cilët 5 janë propozuar nga dega dhe një është vetëpropozim”, thuhet në vendimin e kryesisë.

LEXONI GJITHASHTU:

• Berisha: Ftoj qytetarët të ngrihemi në protesta të fuqishme kundër korrupsionit
• “SPAK instrument i Ramës”, Berisha: Të ngrihemi në protestat më fuqishme ndonjëherë