9 urdhër arreste për abuzimet me inceneratorin e Fierit

Policia e Shtetit ka nisur ekzekutimin e urdhrave të arrestit të lëshuar nga GJKKO me kërkesë të SPAK lidhur me aferën e inceneratorëve.

Sipas informacioneve janë 9 urdhër arreste për të cilat është marrë dhe miratimi i Gjykatës së Posaçme për Korrupsionin dhe Krimin e Organizuar.

Mes personave që pritet të arrestohen mëngjesin e së martës janë zyrtarë të lartë dhe biznesmenë të lidhur me inceneratorët e Tiranës dhe Fierit.

Në dhjetor 2021 për korrupsionin në lidhje me inceneratorin e Elbasanit u arrestua ish-ministri i Mjedisit, Lefter Koka.

Përveç inceneratorit të Elbasanit, SPAK ka në hetim dhe inceneratorin e Tiranës dhe të Fierit.

SPAK ngre dyshime se Koka ka përfituar mbi 3.6 milionë euro nga dy kompanitë që fituan koncesionin dhe realizuan punimet.

Nga hetimet e SPAK rezulton se kompania “Albtek Energy” me pronare Stela Gugallja, bashkë me kompaninë “Integrated Technology Services” me pronar Klodian Zoton kanë paguar me faturë kompani të tjera për punë që as nuk janë kryer.

Vlera e këtyre punëve është 2.950.000 euro për kompaninë e Gugalljas dhe 735.000 euro për kompaninë e Zotos.

Zoto e Gugallja të akuzuar për aferën me inceneratorin e Elbasanit janë në kërkim ndërkombëtar nga SPAK.

LEXONI GJITHASHTU:

Hetimet për inceneratorët e Fierit dhe Tiranës drejt fundit, priten konkluzionet e prokurorëve