Probleme me dritat në Sarandë, kabinat elektrike shpërthejnë nga mbingarkesa

“Në pikun e sezonit turistik ku temperaturat prekin 40 gradë celsius, banorët dhe turistët në Sarandë e Ksamil duhet të përballen me mungesën e energjisë elektrike”

Në ditët e fundit janë regjistruar disa raste ku telat e korentit apo kabinat e energjisë elektrike kanë shpërthyer në flakë, duke panikosur banorët dhe turistët.

Rasti më i fundit ishte ai i një dite më parë në rrugën e tretë në  Sarandë.

“Janë ndërprerë sa herë të duash. Ketë punë kemi gjithë këto ditët e fundit na janë ndërprerë dritat 3-4 herë në ditë”,-tha një qytetar.

-Sa orë keni qëndruar pa drita?

-Me orë të tëra

-Po dritat vetëm dje kemi pasur se ditët e tjera kanë qenë ndërprerë, hajde këtë punë kemi pasur.

– A jeni ndjerë të rrezikuar?

– Po jemi ndjerë po ça të bëjmë ku të ankohemi.

E kontaktuar nga Euronews Albania, OSHEE Sarandë pohon se shkak i shkëndijave elektrike në telat e korrentit dhe kabinat e energjisë elektrike janë bërë temperaturat ekstreme dhe mbingarkesa e rrjetit.

Situata me ndërprerjen e energjisë elektrike ndodh në mes të sezonit turistik kur Saranda dhe Ksamili po thyejnë rekorde të prezencës së turistëve.

LEXONI GJITHASHTU:

• NATO rrit mbikëqyrjen e Detit të Zi, kritikon Rusinë për daljen nga marrëveshja
• 5 vatra zjarri në Rodos, Kasapi: Janë djegur 3 hotele, një shkollë e 10 shtëpi