Problemet për Superligën e Evropës nuk kanë fund, BE i refuzon emrin: Ta ndryshojë

Data e nisjes së Superligës së Evropës në futboll po merr më tepër kohë nga sa ishte menduar, edhe pse prej 2021 janë caktuar disa data për ardhjen në jetë të këtij projekti. Krahas skuadrave të cilat refuzuan të marrin pjesë, problemet nuk kanë të sosur. Sipas asaj që raportohet në media, kompeticioni në fjalë nuk mund të regjistrohet me këtë emër, pas një ankese të bërë nga klubet daneze.

Kjo për faktin se emri në fjalë ishte në shkelje të Superligës, marka e cila është në pronësi të përbashkët nga skuadrat daneze. Kampionati në Danimarkë i krijuar më tepër se 3 dekada më parë, e i përbërë nga 12 skuadra, sponsorizohet aktualisht nga 3F, një nga federatat kryesore të sindikatave në vend. Pra emri në fjalë i kompeticionit evropian bie ndesh me atë të kampionatit danez, e për këtë arsye skuadrat kanë kërkuar të mos krijohet një ligë e tillë.

Pra Superliga Evropiane nuk mund të ketë një markë të sajën në kontinentin e vjetër, për aq kohë sa kompani të tjera kanë këtë të drejtë, të cilën e kanë të zhvilluar prej vitesh. Pas kërkesës së bërë, erdhi përgjigjia e autoriteteve europiane të cilët u dakordësuan me skuadrat në fjalë, ndërsa kompeticioni që konkuron Ligën e Kampionëve dhe gjithçka tjetër nën logon e UEFA, do të duhet të ndërrojë emrin.

LEXONI GJITHASHTU:

• Vendimi i gjykatës për Superligën Europiane, reagon UEFA
• Vendimi i gjykatës për Superligën Evropiane, reagojnë Real Madrid dhe Barcelona