Projekti për eficencën e energjisë, Kosova çel aplikimet për familjet përfituese

Rreth 2 mijë familje do të përfitojnë nga projekti për eficencë të energjisë për shtëpitë individuale të banimit, që nisi të hënën nga Fondi i Kosovës për Eficencë të Energjisë.

Qytetarët mund të aplikojnë për subvencionim të termoizolimit të mureve të jashtme, të kulmeve, si dhe ndërrimit të dritareve dhe dyerve të jashtme për 45 % të vlerës së investimit, deri në 5,500 euro.

Përfaqësuesit e BE në Kosovë, të cilët janë edhe donatorët, flasin për disa përfitime nga ky projekt.

“Përfitimet janë të shumëfishta, përveçse përfitojmë kursime financiare, përfitojmë gjithashtu ajër më të pastër dhe mjedis më të pastër për një shëndet më të mirë publik. Aty padyshim që mbetemi të përkushtuar për të mbështetur Kosovën në rrugën e saj drejt energjisë së mirë dhe të pastër, dekarbonizimit dhe sigurisë energjetike përmes masave të efiçiencës së energjisë dhe kalimit drejt energjisë së rinovueshme, të cilat janë të dyja thelbësore për arritjen e një zhvillimi të qëndrueshëm ekonomik”, tha Alessandro Biannciarsi, përfaqësuesi i Zyrës së BE-së, Kosovë.

Për ministren e Ekonomisë të Kosovës Artane Rizvannoli ky projekt është ndër prioritetet e qeverisë.

Aplikuesit për këtë fond do të duhet të plotësojnë disa kushte; së pari shtëpia të jetë e banueshme, të jetë e pa izoluar dhe të ketë rreth 250 këh energji elektrike në muaj përgjatë  2 viteve të fundit.

LEXONI GJITHASHTU:

• Ish-pjesëtar i UÇK-së, kush është ministri i ri i Mbrojtjes në Kosovë
• Zgjedhjet në veri, Kosova nis procedurat për udhëzimin e ri administrativ