Analisti Arbnor Sadiku tha në një intervistë për Euronews Albania se propozimi i kryeministrit Edi Rama për Asociacionin e komunave serbe në Kosovë, vjen si një urë komunikimi dhe nuk lejon prishjen e raporteve me SHBA dhe unionin ndërkombëtarë.
Ai tha gjithashtu se Rama në fillim u duk i painteresuar për këto bisedime, kjo edhe për shkak të ft0ohjeve me kryeministrin Kurti, por duket se ai ka qenë i shtyrë nga ndërkombëtarët që të behej partner i tyre për të ndihmuar në arritjen e një marrëveshje mes Kosovës dhe Serbisë.
“Unë mendoj se zoti Rama në fillim të bashkëbisedimeve nuk ka qenë shumë i interesuar për shkak të raporteve të ftohura me kryeministrin Kurti, por duke qenë se Kosova ka abstenuar gjithmonë sa i përket raporteve mes Serbisë veçanërisht për krijimin e Asociacionit.
Si duket ai ka qenë i shtyrë nga varësia e ndërkombëtarëve që të ndihmojë në një farë forme të bëhet partner i tyre për të arritur një marrëveshje mes Kosovës dhe Serbisë dhe unë mendoj se zoti Rama po bën një punë të mirë, se po bëhet një kanal komunikimi dhe nuk po lejon të prishën marrëdhëniet me Shtetet e Bashkuara dhe me Unionin Europian. Ndërsa politikanët e Kosovës veçanërisht këta që janë në pushtet i kanë krisur gjithë raportet”,-tha analisti.
LEXONI GJITHASHTU: