Protesta e opozitës para bashkisë, policia publikon planin e masave

Policia ka publikuar planin e masave një ditë para protestës së opozitës para bashkisë Tiranë.

Në kuadër të një tubimi që do të zhvillohet ditën e nesërme, në orën 11:00, përpara Bashkisë Tiranë, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.

“Njoftojmë qytetarët se duke filluar nga nesër, prej orës 09:30 e deri në përfundim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Policia apelon për të gjithë qytetarët që të shmangin lëvizjen në këto akse rrugore dhe të përdorin rrugë alternative, deri në përfundim të tubimit, si Unaza e Mesme dhe Unaza e Madhe”, bën me dije policia përmes një njoftimi.

LEXONI GJITHASHTU:

• Përplasje mes protestuesve dhe efektivëve, mbyllet mes tensioneve protesta e PD
• Çollaku thirrje demokratëve nga protesta e opozitës: Të bashkohemi, të reflektojmë…