Protesta e PD, Policia: Aksioni opozitar do zgjasë 3 orë, ja rrugët që do bllokohen

Partia Demokratike e Shqipërisë ka dorëzuar një kërkesë në polici për zhvillimin e tubimeve në disa akse kryesore të Tiranës më 23 dhjetor 2024, nga ora 17:00 deri në orën 20:00. Akset e kërkuara për zhvillimin e protestës janë: “Unaza e Vogël”, “rrethrrotullimi te Zogu i Zi”, ura afër xhamisë në Rrugën e Elbasanit, sheshi “Willson” dhe rruga nga “Pallati me Shigjeta” drejt “Rrugës së Kavajës”.

Policia e Shtetit nga ana tjetër ka deklaruar se do të garantojë të drejtën për tubim, si dhe sigurinë e pjesëmarrësve, qytetarëve dhe pronave publike e private. Megjithatë, policia njofton se tubimi duhet të zhvillohet në atë mënyrë që të mos bllokohet lëvizja e lirë e automjeteve dhe qytetarëve.

“Bllokimi i akseve rrugore është vepër penale e parashikuar nga neni 293 i Kodit Penal dhe cilido që do të ndërmarrë veprime për të bllokuar rrugët, do të përballet me pasojat që sjell shkelja e këtij neni”, ka njoftuar policia.

Tubimet priten të zhvillohen nën mbikëqyrjen e Policisë, që ka paralajmëruar se shkeljet do të përballen me pasojat ligjore.

LEXONI GJITHASHTU:

• Protesta e opozitës në Tiranë: Arrestohet 1 person, 3 të tjerë procedohen penalisht
• OSBE/ODIHR takime në PD, opozita kërkon mision monitorimi të zgjeruar për zgjedhjet