Protesta për komandantët e UÇK, qindra shqiptarë nga RMV drejt Tiranës

Qindra mjete me shqiptarë të Maqedonisë së Veriut janë nisur drejt Tiranës për t’ju bashkuar protestës në mbështetje të komandantëve të UCK.

Nga Struga, Ohri, Kërçova, Tetova, Veleshta e shumë qytete të tjera me shqiptarë janë nisur prej orëve të para të mëngjesit.

Sot, nga ora 17:00 sheshi “Skënderbej” në Tiranë do të jehojë nga thirrjet për drejtësi ndaj ish-udhëheqësve të Ushtrisë Çlirimtare të Kosovës, të cilët mbahen në paraburgimin e Hagës.

Protesta me moton “Liria ka emër, drejtësi për çlirimtarët” në Tiranë pritet të jetë ndër më madhështorët ndonjëherë në përkrahje të krerëve të UÇK-së, me pjesëmarrje të qytetarëve, shoqërisë civile dhe figurave të njohura politike nga trojet shqiptare.

Qytetarët nga të gjitha trevat shqiptare janw mobilizuar për të marrë pjesë në këtë tubim të cilin e shohin si detyrim moral dhe kombëtar ndaj atyre që udhëhoqën luftën për liri e sot po mbahen padrejtësisht në Hagë.

LEXONI GJITHASHTU:

• Në këmbë nga Kosova, veterani i UÇK-së mbërrin në Tiranë për protestën
• Veteranët e UÇK-së: Ne kërkojmë drejtësi, LVV po përpiqet të politizojë protestën