Protesta për lirimin e pengjeve, familjarët akuzojnë qeverinë izraelite

Disa qindra persona morën pjesë në një protestë jashtë selisë së Parlamentit izraelit. Ata kërkuan nga qeveria që të mundësojë kthimin e pengjeve të rrëmbyer nga militantët e Hamasit gjatë sulmeve të 7 tetorit.

Zemërimi po rritet pasi 1 muaj nga agresioni janë liruar vetëm 5 pengje.

“Qeveria e Izraelit tradhtoi prindërit e mi, tradhtoi komunitetet tona dhe po tradhton ato 240 pengje dhe familjet e tyre për sa kohë ata nuk janë kthyer të sigurt në shtëpi tek të dashurit e tyre”.

“Prioriteti kryesor është të sjellim ato pengje, pavarësisht se çfarë mund të ndodhë, pavarësisht nëse kjo kërkon shkëmbimin e të burgosurve, jo vetëm të atyre të Hamasit por të gjithë të burgosurve palestinezë”.

Barra e pengjeve po ndihet edhe në mbarë botën, kryesisht në Londër. Analistët ushtarakë kanë paralajmëruar për javë të tëra luftimesh rraskapitëse në Gaza.

Operacioni për të gjetur pengjet rezulton i komplikuar dhe besohet se ato po mbahen brenda një rrjeti tunelesh disa kilometra të gjatë.

Në Argjentinë rreth 50 arushë, me sytë dhe gojët e mbyllura, u lidhën tek gardhi që rrethon Obeliskun e Buenos Airesit.

Ata përfaqësojnë 40 ose më shumë fëmijët që po mbahen nga militantët e Hamasit. 

LEXONI GJITHASHTU: 

• “Shpifje”- Suli pas daljes nga SPAK: S’mund ta përbaltin punën titanike në Kamëz
• Rishikohen pensionet, hidhet në diskutim me Bankën Botërore skema e re