Protestat e dhunshme në Beograd, Vuçiç informon ambasadorin rus

Presidenti i Serbisë, Aleksandër Vuçiç, ka takuar ambasadorin rus, të cilin e ka informuar për protestat e mbrëmshme (24 Dhjetor) në Beograd.

“E informova ambasadorin Alexander Botsan-Kharchenko për trazirat e mbrëmshme në Beograd dhe përsërita se do të bëjmë gjithçka për të ruajtur sigurinë e qytetarëve dhe Serbisë tonë”, shkroi Vuçiç në Instagram.

Ai tha se janë shkëmbyer mendime edhe për marrëdhëniet dypalëshe, situatën në rajon dhe ngjarjet aktuale gjeopolitike.

Protestat e mbrëmshme para parlamentit në Beograd u zhvilluan kundër mashtrimit zgjedhor.

35 protestues u arrestua nga policia serbe pas protestave mbrëmjen e së dielës.

LEXONI GJITHASHTU:

• Protestat në Serbi, demonstruesit përpiqen të sulmojnë Bashkinë e Beogradit
• Tubimi për anulimin e zgjedhjeve, Policia shpërndan protestuesit në Beograd