Protestat/ Veliaj: Do ta çoj Tiranën përpara, njerëzit e dhunës janë pakicë

Kryebashkiaku i Tranës, Erion Veliaj ka folur për protestat e opozitës dhe sulmet që janë bërë ndaj tij, gjatë ditëve të fundit. Ai i cilëson ata një pakicë të dhunshme, të cilët nuk mund të fitojnë përballë njerëzve të punës.

Ata që dalin e protestojnë para bashkisë Tiranë dhe molotov janë një grup, i cili përfaqëson dhunën. Me këtë mesazh, kryebashkiaku Erion Veliaj, thotë se Tirana nuk mund të merret peng nga një pakicë e zhurmshme.

 “Kur mendoj se një pjesë e vogël ende beson te vandalizimi, te sherri, te molotovi, te shtyrja e policëve, harrojnë se bashkia nuk është ajo godina ku kam zyrën unë. Bashkia janë njerëzit, bashkia janë punëtorët, bashkia janë projekte, bashkia është ky komunitet që i ka dhënë dashuri, cilësi dhe një kontribut të jashtëzakonshëm.

Veliaj tha se deri në fund të mandatit të punojë për të çuar Tiranën përpara, edhe pse njerëzit që kërkojnë favore, vila e zarfe do të vazhdojnë ta sulmojnë atë.

“Për të gjithë ata që shtyhen dhe çirren, për të gjithë ata që vjellin vrer non stop nëpër televizione për Bashkinë e Tiranës, nuk e kanë me ju, se e shijojnë lezetin që u është rritur vlera pronës e shtëpisë, e kanë me mua, se duke i rënë kryetarit mendojnë se kapin ndonjë vilë tjetër, se kapin ndonjë një zarf tjetër; duke i rënë kryetarit mendojnë se do dorëzohem e do lodhem dhe do ta ndërpres këtë kontribut. Unë jam më i vendosur e më energjik se kurrë”- shtoi ai.

Në ditën e Punëtorëve, Veliaj ishte në Farkë, për të shpallur mbylljen e sezonit të mbjelljes së pemëve, e me premtimit për t’u rikthyer në shtator me objektivin për 2 mln pemë të mbjella.

LEXONI GJITHASHTU: 

• Çfarë parashikon projektligji i ri për studentët e mjekësisë
• Vulin: E ardhmja e ish-serbëve “Shqipëria e Madhe”, malazezët tradhtarë