Prova të reja për 21 janarin? Elisabeta Imeraj: Ja çfarë do bëjnë prokurorët

Ish-prokurorja e Krimeve të Rënda, Elisabeta Imeraj thotë se çdo prokuror është i pavarur që të kryejë një hetim në lidhje me 21 janarin, duke iu referuar audiopërgjimit të publikuar, ku ish-komandanti i gardës, Ndrea Prendi komunikonte dhe i jepte urdhra vartësve të tij.

Në emisionin “Review” në Euronews Albania, Imeraj u shpreh se kjo mund të realizohet, bazuar në ndryshimet e ndodhura në Kodin e Procedurës Penale.

“Me ndryshimet e ndodhura në Kodin e Procedurës Penale, çdo prokuror është i pavarur. Si i tillë, i lind edhe e drejta një prokurori të pavarur, dje që kur ka dalë audiopërgjimi, që kryesisht të nisë një hetim dhe të thotë që në tërësinë e elementëve të ndodhur në këtë historinë e 21 janarit, ka mbetur pa u hetuar ai zinxhiri.

Nuk është e nevojshme të bëhet gjithë kjo ekspoze. Nuk ka pse t’i prezantohet publikut një drejtësi që mban peng një dosje. Ne nuk mund të themi që edhe në 2023-shin po na mbahen peng dosje”, theksoi ajo.

LEXONI GJITHASHTU

• Avokati i përgjigjet Ulsi Manjës për 21 janarin: Mos i jep leksione prokurorëve
• 21 janari | Elisabeta Imeraj: Politika po terrorizon prokurorët
• Ish-prokurorja i përgjigjet socialistëve për kallëzimin e 21 janarit