Kryetari i grupit parlamentar të PS Niko Peleshi tha për mediat pas mbledhjes së grupit se PS nuk ka një vendim politik lidhur me mandatin e deputetes Olta Xhaçka.

Ai theksoi se PS do t’i drejtohet Komisionit të Venecia për interpretim jo lidhur me këtë çështje, që siç tha është në rrugën e vet, por për raste të tjera që mund të shfaqen në të ardhmen.

“Kjo çështje nuk është diskutuar në mbledhjen e grupit parlamentar të PS pasi ne nuk e trajtojmë këtë si vendim politik. Vendimi i Gjykatës Kushtetuese është bërë i njohur për të gjithë deputetët, do lexohet personalisht nga çdo deputet dhe jo nga PS. Do i drejtohemi Komisionit të Venecias jo për këtë çështje, që është në rrugën e vet dhe do votohet në seancë, do i kërkojmë një mendim duke u nisur nga kjo çështje në parim për çdo situatë tjetër që mund të paraqitet në të ardhmen”, tha Peleshi

LEXONI GJITHASHTU: 

• Mandati i Xhaçkës, PS bie dakord me PD: Të shqyrtohet në seancën më të afërt plenare
• Konferenca e Kryetarëve, Bardhi: Mandati i Olta Xhaçkës të shkojë në ‘Kushtetuese’