Pse Erdogan përmbysi sondazhet e zgjedhjeve, flet Ermal Kaleci

Ish-konsulli i Shqipërisë në Stamboll Ermal Kaleci i ftuar në Euronews Albania tha se sondazhet që nxirrnin si fitues Kemal Kilicdaroglu, ishin disi të fryra.

Sipas tij ky kandiat edhe pse nuk ka garuar më herët për president, ka humbur zgjedhje që nga viti 2011 përball presidentit aktual Recep Tayyip Erdogan dhe vendosja e tij dhe jo e një kandidati me frymë fituese si kandidat i opozitës, uli edhe entuziasmin në popullin turk.

“Doja të theksoja se u bë më shumë se 3 muaj që mediat nxirrnin kandidatin e opozitës në sondazhe mbi 57%. Kjo u duk sikur kandidati i opozitës do sillte një fitore dhe një ndryshim të madh në Turqi, por harruan që kandidati i opozitës ka që nga viti 2011 që humb çdo zgjedhje.

Si kryetar i opozitës ai ka humbur zgjedhjet parlamentare, bashkiake, dy referendume dhe kandidatura për president. Duhej një kandidat me frymë fituese, ndërsa kreu opozitar, e uli prtishmërinë në popull. Ndërsa sa u takon sondazheve, mendoj se kanë qenë të fryra”,-tha Ermal Kaleci.

LEXONI GJITHASHTU:

• Kaleci: Erdogan me 27 milionë vota! I ndërhyn Bushati: Edhe Putini…
• Bie numri studentëve, INSTAT: 1/4 të diplomuar në “biznes, administrim dhe ligj”