Pse është quajtur “pianistja fluturuese”? Artistja greke emocionon me rrëfimin e saj

Pianistja greke Elena Xidia, ndryshe “pianistja fluturuese” është e njohur për promovimin që i bën natyrës ndërsa luan në piano.

Në një intervistë për “Good morning Albanians” në Euronews Albania ajo tregoi se nga e ka marrë këtë emër.

“Më kanë vënë shumë emra gjatë vitit të fundit. Pianistja fluturuese është emri që përsëritet më shpesh sepse ne kemi qenë të parët që kemi performuar në piano, 50 metra mbi liqen dhe prandaj njerëzit ma kanë ngjitur këtë nofkë. Unë quhem pianistja fluturuese, por unë në fakt jam thjesht një pianiste e zakonshme që luaj muzikën time,” – u shpreh Xidia.

Ditët e fundit xhiron e mediave greke e kanë bërë pamjet e veçanta në peizazhin e bukur natyror të Kosturit në një aktivitet të organizuar nga bashkia e këtij qyteti me pianisten e njohur greke Elena Xydia.

Ajo i bie pianos në mes të liqenit të Kosturit, mbi një platformë të posaçme lundruese. Aktiviteti u zhvillua në kuadër të përpjekjes për promovimin e trashëgimisë kulturore dhe natyrore të qytetit dhe Xidia ka krijuar një spektakël të mrekullueshëm së bashku me regjisorin Paschalis Mantis.

LEXONI GJITHASHTU:

• Kush është “pianistja fluturuese” që promovon natyrën
• Violinisti Tedi Papavrami: Qëkur isha 20 vjeç kam të njëjtin bashkëpunëtor në piano