Pse fituesi i Eurovizion u zgjodh nga publiku? Zhani Ciko jep arsyen

Zhani Ciko, një nga anëtarët e juristë së Festivalit të 61 në RTSH u shpreh në një intervistë për Euronews Albania se fituesi për në Eurovision u zgjodh nga publiku, si një shenjë transparence.

Ai tha se ky vendim u mor pasi vitet e fundit ka pasur shumë debate për zgjedhjen e fituesit nga ana e jurisë.

“Kjo është bërë pasi ka pasur gjithmonë debate lidhur me problemin e zgjedhjes. Unë mëndoj që është një formë transparence që enti rregullator mendoi dhe ia la zgjedhjen qytetarëve. Mund të ishte një zgjidhje me përqindje, një përqindje e ka vota popullore dhe  një përqindje tjetër e vota e jurisë”, u shpreh ai.

Albina Kelmendi dhe familja e saj rrëmbyen çmimin e publikut të Festivalit të 61 të këngës, për të prezantuar vitin e ardhshëm vendin tonë në Eurovision.

Performanca e tyre është cilësuar si më e veçanta në historinë e Festivalit, pasi është hera e parë e një familjeje që performon në këtë skenë.

LEXONI GJITHASHTU:

• “Më mohuan mbrojtjen”, Kushtetuesja rrëzon ankimimin e të ‘fortit’ të Myslim Shyrit
• Dhunohet busti i Mit’hat Frashërit, Rada: Akt vandal, i vështirë restaurimi i tij
• Moti në SHBA, të paktën 9 të vdekur nga i ftohti dhe përmbytjet