Pse kanë ngecur hetimet për inceneratorin e Tiranës? Përgjigjet gazetari Ferhati

Gazetari i Euronews Albania, Eni Ferhati deklaroi se hetimet ne inceneratorin e Tiranës kanë ngecur, ndryshe nga Elbasani dhe Fieri.

Ai tha se nuk janë në dijeni për personat e marrë në pyetje, por vetëm për disa veprime administrative.

“Nuk dimë nëse procedimi penal është regjistruar mbi bazën e veprës penale apo ka dhe emra apo persona të dyshuar të cilët mund të jenë të përfshirë, qoftë zyrtarë publik,” – u shpreh Ferhati.

Sipas tij personat e përfshirë në skemën e inceneratorëve që janë nën petkun e politikës mund të jenë shumë, duke marrë këtu në konsideratë që një ish-ministër dhe një ish-deputet janë në qeli.

“Për mazhorancën do të ishte një goditje e madhe në rast se personazhet e implikuar në këtë çështje do të ishin shumë në numër. Është mëse e kuptueshme që Prokuroria e Posaçme duke qenë se është një institucion i ri nuk e shikon të udhës të marrë në duar drejtimin e vendit duke goditur qeverinë,” – tha Ferhati.

Sipas tij SPAK duhet të reagojë dhe të bëjë punën e vet si institucion pa u ndikuar nga politika.

LEXONI GJITHASHTU:

• Fundo nxjerr dokumentin dhe përmend emrat: Si nisi vjedhja në inceneratorin e Fierit
• Inceneratorët, Manjani sulmon LSI: E bënë për inat të Kokës, pse s’ka logjikë hetimi