Pse Spanja nuk njeh Kosovën? Avokati Gashi rendit arsyet

Avokati Tomë Gashi, ftuar në Euronews Albania tha se njohja e Kosovë nga Spanja është shumë herë më e rëndësishme për të se takimi i Kurtit me Vuçiç.

Gashi tha se megjithëse vendimi është i vonuar, dhe se Spanja ka mbajtur nj qëndrim të dyfishtë ndihma e saj do të ishte shumë e rëndësishme për Kosovën.

Ai theksoi se sa më shumë shtete ta njohin Kosovën aq më pak gjasa do të ketë që Serbia të shkaktojë tensione në rajon.

“Duket se nisma e Spanjës sado është e vonuar, është e mirëpritur dhe e mirëseardhur dhe shpresojmë që të ketë efekt. Spanja në deklarimet nuk mund ta luaj rolin e dyfishtë sepse ata e mirëpresin dialogun mes Kosovës dhe Serbisë, ndërsa nuk pranon pavarësinë e Kosovës.

Ndihma e tyre do të ishte shumë e mirë dhe  do të ndikonte në qetësimin e këtyre problemeve që gjithmonë  shkakton Serbia, sepse sa më shumë shtete që njohin realitetin aq me pak gjasa ka Serbia që të  ta luaj këtë lojë djallëzore që po e bën prej 25 vitesh që nga çlirimi dhe 16 vite pas shpalljes së pavarësisë” tha ai.

LEXO GJITHASHTU:

• Kushtetuesja në Kosovë refuzon kërkesën për pezullimin e vendimit të BQK për dinarin
• Analiza: E djathta ekstreme në Francë shkakton shqetësim deri në Kosovë