Pse ukrainasit duan Shqipërinë? Genkina: Vend i lirë, po blejnë shtëpi në Durrës

Këshilli i Ministrave ka miratuar dy ditë më parë vendimin për zgjatjen e afatit për qëndrimin pa leje të ukrainasve në Shqipëri. Sipas këtij vendimi shtetasit ukrainas që ikin nga lufta mund të hyjnë dhe qëndrojnë në Shqipëri pa leje edhe për dy vite të tjera.

Sipërmarrësja Oksana Genkina në një intervistë për emisionin “Good Morning Albanians” në Euronews Albania theksoi se ukrainasit zgjedhin Shqipërinë për shkak se jetesa është më e lirë.

Genkina tha mes të tjerash se të huajt kanë blerë shtëpi në Durrës, që më pas ti japin me qira nëse kthehen në Ukrainë.

“Ukrainasit e zgjedhin Shqipërinë për jetesën që është më e lirë se në Europë. Ata po blejnë prona në Durrës. Kanë blerë shumë shtëpi dhe interesi vazhdon të jetë i madh. Ata shpresojnë që më pas ta japin me qira nëse kthehen në Ukrainë. Në Durrës janë çmimet më lirë”- tha ajo.

LEXONI GJITHASHTU: 

• “Sadist e nazist’, veterineri: 53-vjeçari që vrau kalin s’është në një spekter me ne
• I varfër dhe i lumtur? Gëzim Tushi: Ja pse është e vështirë