Pse zgjodhët Fred Belerin për Himarën? Meta: Arsyeja pse e mbështetëm

Kreu i Partisë së Lirisë, Ilir Meta tha në “Now me Erla Mëhillin” se kanë pasur një marrëveshje me Partinë e Bashkimit të të Drejtave të Njeriut  që i mbështet në gjithë Shqipërinë dhe për këtë arsye nuk është penduar me zgjedhjen e Fred Belerit.

“Ata aty kanë zgjedhur zotin Beleri. Kjo është një e drejtë e tyre dhe ne jemi koalicion. Ne nuk përkrahim asnjë ide as të zotit Beleri, as të askujt tjetër që cenon bashkëjetesën, harmoninë e komunitetit atje, aq më tepër që mund të cenojë interesat kombëtare të vendit tonë.

Ne e mbështesim për të fituar dhe për t’i dhënë fund grabitjes dhe tjetërsimit të pronave në bashkinë e Himarës dhe së dyti për të zbatuar ligjin dhe për t’i shërbyer komunitetit me respekt, kaq dhe asgjë tjetër,” – u shpreh Meta.

LEXONI GJITHASHTU:

• Arrestimi i Belerit dhe dita e zgjedhjeve, Meta flet pas takimit me Berishën
• Dita e fundit e fushatës, Meta takon Berishën në selinë e PD