PSG humbet Dembele e Doue, fajëson trajnerin Deschamps për këtë

Kombëtarja franceze vijon përgatitjet për ndeshjen e radhës kualifikuese drejt kupës së botës, teksa pak ditë më parë mposhti Ukrainën në duelin hapës. Trikolorët morën një fitore të pastër, por lajmi i keq është dëmtimi i dyshes Dembele-Doue e më tepër se në kombëtare, të shqetësuar janë në Paris, ku për pak ditë luhet dhe ndeshja e Champions League ndaj Atalantës.

Dyshja në fjalë braktisi grumbullimin e ekipit kombëtar për shkak dëmtimi dhe të dy shfaqën probleme në sfidën ndaj Ukrainës. Sipas mediave franceze, Dembele do të mungojë të paktën 6 javë, ndërsa Doue rreth 1 muaj, pra duke humbur disa ndeshje të rëndësishme me PSG. Kjo gjë i ka irrituar drejtuesit parizienë të cilët kanë fajësuar teknikun Deschamps, pasi ky i fundit jo vetëm e grumbulloi Dembele që më herët kishte shfaqur shqetësime, por madje e aktivizoi atë.

“Isha i sigurt se ai ishte i aftë të luante një ndeshje të nivelit të lartë, përndryshe nuk do ta kisha luajtur. Ai ishte në formë të mirë. Është për të ardhur keq, por mund t’i kishte ndodhur edhe një lojtari tjetër. Mora vendimin për ta luajtur, sepse nga ana mjekësore nuk kishte problem”, deklaroi më pas tekniku francez.

LEXONI GJITHASHTU:

• Dembele rrezikon ndeshjen me Ukrainën, nuk dihet ende nëse do luaj
• INSTAT publikon të dhënat: Tirana me njerëzit më dembelë