PSG humbet për 1 muaj 2 lojtarët kyç, drejtuesit fajësojnë Deschamps

PSG do të rikthehet në aktivitet pa 2 lojtarët e saj kryesorë, Dembele dhe Doue, për faktin se këta të fundit u dëmtuan në përgatitjet me kombëtaren. Për këtë, drejtuesit parizienë kanë fajësuar trajnerin Deschamps.

Kombëtarja franceze vijon përgatitjet për ndeshjen e radhës kualifikuese drejt Kupës së Botës, teksa pak ditë më parë mposhti Ukrainën në duelin hapës. Trikolorët morën një fitore të pastër, por lajmi i keq është dëmtimi i dyshes Dembele-Doue, e më tepër se në kombëtare, të shqetësuar janë në Paris, ku për pak ditë luhet dhe ndeshja e Champions League ndaj Atalantës.

Dyshja në fjalë braktisi grumbullimin e ekipit kombëtar për shkak të dëmtimit dhe të dy shfaqën probleme në sfidën ndaj Ukrainës. Sipas mediave franceze, Dembele do të mungojë të paktën 6 javë, ndërsa Doue rreth 1 muaj, pra duke humbur disa ndeshje të rëndësishme me PSG. Kjo gjë i ka irrituar drejtuesit parizienë, të cilët kanë fajësuar teknikun Deschamps, pasi ky i fundit jo vetëm e grumbulloi Dembele që më herët kishte shfaqur shqetësime, por madje e aktivizoi atë.

“Isha i sigurt se ai ishte i aftë të luante një ndeshje të nivelit të lartë, përndryshe nuk do ta kisha luajtur. Ai ishte në formë të mirë. Është për të ardhur keq, por mund t’i kishte ndodhur edhe një lojtari tjetër. Mora vendimin për ta luajtur, sepse nga ana mjekësore nuk kishte problem”, deklaroi më pas tekniku francez.

LEXONI GJITHASHTU:

• Tre pikët e para për Gjermaninë, Spanjë me “6 yje” përballë Turqisë
• Një tjetër ndryshim në listën e Shqipërisë, largohet portieri i kuqezinjve
• Ndryshon lista e kombëtares: Mbrojtësi shqiptar braktis kuqezinjtë, zgjedh Zvicrën