Flas shpesh me veten, a duhet të shqetësohem? Përgjigjet psikologia

Personi ideal me të cilin mund të bisedoni ndërsa përballeni me sfidat e shumta të jetës mund të jetë më afër se sa mendoni.

Biseda me veten është një mënyrë e shëndetshme për të krijuar motivim, për të qetësuar nervat ose për të analizuar një situatë të ndërlikuar. “Është një mënyrë e dobishme për të kontrolluar veten dhe për të organizuar mendimet dhe ndjenjat, sipas studimeve.

Psikologia Enida Përlala tha në emisionin Good Morning Albanians në Euroneës Albania se komunikimi me veten nuk ka asgjë të keqe, përkundrazi rrit vetëbesimin.

“Quhet ndryshe dialog i brendshëm, nuk është asnjë problem, është fare normale. S’ka asnjë rregull që mendimet tona t’i mbajmë brenda dhe të mos ja komunikojmë vetes. Është diçka që e ndiejmë natyrshëm. Komunikimi me veten e rrit vetëbesimin”, tha psikologia.

Ajo shpjegoi se ka një komunikim që është pozitiv me veten dhe një tjetër negativ, kur i themi vetes ‘pse e bërë këtë’.

LEXONI GJITHASHTU:

• Psikologia: Lojërat rrisin inteligjencën e fëmijëve, por kujdes me orarin
• 6 arsye psikologjike përse njerëzit përfshihen në zënka