Publikohet formacioni i Kombëtares, si do rreshtohen kuqezinjtë përballë Çekisë

Sot në orën 20:45 luhet ndeshja Shqipëri – Çeki në stadiumin “Air Albania”, e cila vlen për eliminatoret Euro 2024.

Formacioni i ekipit të kombëtares shqiptare i fromuar nga Trajneri Sylvinho në këtë ndeshje do jetë si më poshtë:

Në portë do jetë Etrit Berisha, në krahun e djathtë të mbrojtjes do jetë Mitaj, Ajeti, Gjimshiti, Hysaj, në mesfushë Ramadani, Asllani, Bajrami.

Në krye të sulmit qëndron Sokol Cikalleshi, nga e djathta me Asanin dhe në të majtë me Seferin.

Vlen të thuhet se nuk ka surpriza në formacionin zyrtar. Skema është 4-2-3-1.

Ismajli në mbrojtje, sikurse flitej është zëvendësuar me Ajetin pas dëmtimit, ndërsa Armando Bloja, nuk do të ketë mundësinë të luaj për shkak të një dëmtimi fizik.

Pak pas publikimit të formacionit të ekipit shqiptar është mësuar dhe formacioni i kundërshtarëve çek, më tekniku Jaroslav Silvahy, që i ka rreshtuar djemtë e tij, me formulën, 4-3-3.

Në portë është Pavlenka e para Holes, Krejci e Brabec. Në krahët e mesfushës janë Coufal e Jurasek, me qendrën që mbulohet nga Sadilek e Soucek, ndërsa “tridenti” i sulmit plotësohet nga Kuchta, Chytil e Cerny.

LEXONI GJITHASHTU:

• Ndeshja me Çekinë, 22 mijë qeleshe shpërndahen në ulëset e stadiumit
• Ndeshja Shqipëri-Çeki, Balla takim me drejtues të policisë dhe FSHF: Asnjë tolerim