Qafoku: Lea Ypi e quajti himnin në shkolla si “patriotizëm idiot”, është keqkuptuar

Gazetari Roland Qafoku deklaroi se duhet të ketë një keqkuptim në reagimin e studiueses Lea Ypi, e cila e konsideroi patriotizëm idiot, vendimin e qeverisë që Himni i Flamurit të këndohet nga të gjithë nxënësit e shkollave në krye të çdo jave të re mësimore.

Në emisionin “Good Morning Albanians” në Euronews Albania, Qafoku nënvizoi se vetë Ypi duhet të sqarojë se çfarë ka dashur të thotë në të vërtetë.

“Lea është një studiuese moderne shumë e mirë dhe ajo ka shkruar një kryevepër për jetën e saj familjare dhe regjimin komunist. Kam përshtypjen, është më e rëndësishme që ta shpjegojë vetë, duhet të ketë ndonjë keqkuptim.

Patriotizëm idiot në Shqipëri, mund të quhet patriotizmi, ato dallditë në rrjetet sociale, që ne jemi populli më i bukur në botë, çdo rrjedh nga ne, këta heronjtë janë tanët. Këto janë ato idiotësitë partiotike”, theksoi ai.