Qarri: Kim të reagonte për çështjen McGonigal, të tregonte provat për Berishën

Gazetari Flavio Qarri komentoi deklaratat e ambasadores amerikane Yuri Kim për ish-kryeministrin Sali Berisha.

Qarri në një intervistë për Euronews Albania theksoi se Kim duhet të tregonte provat për të cilat Berisha është shpallur ‘non grata’ nga SHBA dhe për çështjen McGonigal, ku dyshohej se i përfshirë ishte dhe kryeministri Edi Rama.

Më tej ai theksoi ‘non grata’ e Berishës është çështje personale e tij  dhe jo e shqiptarëve .

“Kim duhet të reagonte në dy momente, të na tregonte provat që Berisha është shpallur “non grata” dhe ta mbyllim këtë histori njëherë e mirë dhe mos të kishte nga këto diskutimet dhe e dyta, ka të paktëm90 ditë që gazetarët shqiptarë presin një tjetër përgjigje nga Kim për McGonigal. Çështja e Berishës është shumë personale dhe nuk ka të bëjë me  interesin e Shqipërisë. Ajo që ka të bëjë   me interesin e Shqipërisë është sjellja institucionale karshi respektit të qytetarëve të një vendi që para se të vinte Yuri Kim ishte  90% pro-amerikan dhe tani ti lutemi Zotit që e ka 50% amerikanizmin me performancën spektakolare të Kim”- tha ai.

Ndiqni intervistën e plotë këtu: 

LEXONI GJITHASHTU: 

• Kim për Berishën, Çipa: Qëndrimi i SHBA, të njëjtën gjë do bëjë edhe ambasadori i ri
• Macron: Perëndimi duhet të shmang rritjen e tensioneve me Kinën