“Qeveria teknike, zgjidhja e vetme”, PD mbledh në selinë blu partitë aleate

Një javë përpara protestës kombëtare të njoftuar më 11 korrik, Partia Demokratike ka thirrur këtë të premte në selinë blu, drejtuesit e disa partive të vogla aleate.

Gjatë këtij takimi, sekretari i përgjithshëm i PD, Flamur Noka u shpreh se bashkimi i çdo fraksioni dhe zëri opozitar është shumë i rëndësishëm. Sipas tij pjesëmarrja në 11 korrik e qytetarëve është një mesazh për qeverinë se populli kërkon ndryshimin.

“Sot miq, çdo shqiptar ka arsye të protestojë. Sot çdo i ri dhe e re do ftohet në protestën e PD dhe opozitës së bashkuar”, tha Noka.

Noka tha se tubimi i 11 korrikut do të jetë vetëm fillimi i një aksioni që si kërkesë kryesore do ketë administrimin e zgjedhjeve të ardhshme me një qeveri teknike

“Kjo protestë do çelë siparin e reagimeve për t’i dhënë zgjidhje politike këtij vendi. Zgjidhja politike dhe paqja sociale do të vijë në këtë vend kur qeveria teknike të përcaktohet njëlloj si fqinji ynë, Maqedonia e Veriut, si rruga e vetme për t’i dhënë këtij populli mundësinë që të votojë si çdo qytetar evropian”, u shpreh ai.

LEXONI GJITHASHTU:

• PD-Prokurorisë: Verifikoni kryebashkiakun Marinaj, drejton grupin kriminal në Itali
• PD mbledh Këshillin Kombëtar, Noka: Protesta e 11 korrikut duhet të jetë madhështore