Qori ironik me Ramën: U soll si Babagjyshi pak ditë para se t’i ndalohej ligjërisht

Aktivisti Arlind Qori tha se pakoja e që kryeministri Edi Rama  prezantoi para vitit të ri është një manovër elektorale para zgjedhjeve të 14 majit.

Në një intervistë për Euronews Albania, Qori u shpreh se Rama me këtë veprim tregoi se e konsideron veten si babagjyshi i viti të ri  dhe popullin si fëmijë që pret dhurata.

“Njësoj si babagjyshi, qeveria kujtohet për popullin një herë në vit dhe ashtu si Babagjyshi edhe Rama gënjen se janë prindërit që t’i bëjnë dhuratat, jo babagjyshi dhe pakoja në fjalë është kontribut i taksave të vetë popullit. Pakoja  jepet 10 ditë para afatit që kodi zgjedhor e ndalon marrjen e masave të tilla para zgjedhjeve lokale. Rama ka pritur në zgrip të afateve ligjore për të thënë që unë jam babagjyshi i vitit të ri dhe po ju jap një dhuratë”,  tha Qori.

LEXONI GJITHASHTU:

• Meta: Pakoja e Madhe e ndihmës ekonomike një paketë qesharake
• “Pakoja e madhe’, Rama tregon sa shpërblim do të marrin bluzat e bardha