Quhet ‘imorale’ thirrja e Rusisë për të evakuuar Ukrainasit me një kusht

Ditën e sotme, zëvendës kryeministrja ukrainase Iryna Verschchuk i quajti 6 korridoret humanitare të propozuara nga Rusia ‘imorale’.

Nga 4 qytetet e përmendura në propozimin rus, vetëm Mariupol dhe Sumy ofrojnë shtigje evakuimi që të çojnë në pjesë të tjera të Ukrainës.

Të gjitha shtigjet e tjera do t’i dërgonin qytetarët ukrainas drejt Rusisë ose Bjellorusisë – dy vende të cilat janë të përfshira drejtpërdrejtë në konfliktin kundër Ukrainës.

“Kjo është një mënyrë tejet e papranueshme për të hapur korridoret humanitare,” – tha Vershchuk.

“Njerëzit tanë nuk do të shkojnë nga Kievi në Bjellorusi, që më pas të dërgohen drejt e për në Federtën Ruse” – shtoi ajo.

Në mesnatën e të dielës, Rusia dërgoi një letër drejt qeverisë ukrainase ku propozonte një armëpushim të përkohshëm në një fashë orari që niste në ora 10:00 të mëngjesit me orën lokale ruse.

Në përgjigje të kësaj, Ukraina i dërgoi Rusisë kushtet e saj për shtigjet e evakuimit ku specifikohej se qytetarët ukrainas duhet të evakuoheshin për ne perëndim të vendit, larg Rusisë dhe jo drejt saj.

Vereshchuk i bëri thirrje SHBA-së, BE-së, Francës e Britanisë së Madhe për t’iu ardhur në ndihmë me ngritjen e këtyre korridoreve.

LEXONI GJITHASHTU: 

• A mund të jetë radha e Moldavisë pas Ukrainës?
• Rreziku nuklear: Rusia kërkon centralin e 3-të bërthamor në Ukrainë
• Pamje tronditëse të qytetarëve që mundohen t’i ikin bombardimeve pranë Kievit