“Qytetar model, ka ndihmuar shumë njerëz”, ish-deputeti: Nikulaj e njihnin të gjithë

Ish-deputeti Eduard Ndocaj tregoi në një intervistë për Euronews Albania se e njihte nga afër biznesmenin Ardian Nikulaj të vrarë disa ditë më parë në Shëngjin.

Ndocaj  tha se Nikulaj ishte një qytetar dhe politikan model që kishte ndihmuar me dhjetëra qytetarë në Lezhë dhe që njihej nga të gjithë.

“Dua të shpreh ngushëllimet më të sinqerta për familjen Nikulaj. E kam njohur nga afër z. Nikulaj se ka qenë një personazh shumë i rëndësishëm për qytetin, një qytetar që ka dhënë kontribut të rëndësishëm në këtë qytet, ka qenë një qytetar model i politikës duke ndihmuar shumë njerëz”, tha Ndocaj.

Vrasja e Nikulajt sipas tij tregon se Shqipërua është mbërthyet nga një kriminalitet i madh i ngjashëm me Kolumbinë  e Essocarit, për shkak të keqqeverisjes.

“Sigurinë duhet ta sillte Rama në 2013 por ai e ka thënë me zë e figurë hëngshin kokët e tyre. Por nga kjo luftë bandash po e pësojnë edhe njerëz të thjeshtë”, tha Ndocaj.

LEXONI GJITHASHTU:

• Vajza e Ardian Nikulaj poston videon e të atit: Do na mungosh bab
• Tritoli në Shkodër dhe vrasja e Nikulaj, Balla: Sekretet hetimore po dalin në media