“Qytetarët të painformuar, nuk është rritur çmimi i ujit në Tiranë”- Haxhimali

Drejtori i institutit për bashkitë, Agron Haxhimali ishte këtë të martë në “Good Morning Albanians” për të folur rreth rritjes së çmimit të referencës së banesave.

Ai tha se shpesh qytetarët e painformuar mendojnë se po paguajnë më tepër lekë për shkak të rritjes së çmimit të ujit, ndërkohë që kjo sipas tij nuk është e vërtetë, pasi çmimi i ujit nuk ka ndryshuar që prej 2017, por ajo që ka ndryshuar është çmimi i referencës së banesave që i shtohet faturës së ujit.

“Nuk është rritur fatura e ujit, bashkia e Tiranës nuk e ka rritur çmimin e ujit. Atë çmim ka pasur që kur e ka miratuar Këshilli Bashkiak dhe Enti Rregullator në 2017, është rritur çmimi i referencës për banesat, kjo është situata”,-tha Haxhimali.

LEXONI GJITHASHTU:

• “Sallami bëhet me mish nga kurrizi i lopës”- Eksperti tregon kimikatet që shtohen
• Sulmi terrorist në Belgjikë gjatë ndeshjes me Suedinë, tifozët ngujohen në stadium