Rafael Nadal mungon në Monte Carlo, shkak gjendja shëndetësore

Rafael Nadal po kalon një periudhë të errët në karrierën e tij, e duke gjithnjë e më pranë largimit nga ky sport. Spanjolli nuk po gjen momentin e duhur për t’u rikthyer në aktivitet, gjë që ka mërzitur mbështetësit anë e mbanë botës. Pas mungesës në Miami Open, 37-vjeçari ka bërë të ditur se nuk do të jetë i pranishëm as në kompeticionin e Monte Carlos, shkak është gjendja shëndetësore, ndaj sportisti nuk ndihet gati.

“Këto janë shumë kohë të vështira për mua sa i takon aspektit sportiv. Për fat të keq më duhet t’ju lajmëroj se nuk do të marr pjesë në Monte-Carlo, trupi im nuk më lejon të luaj. Edhe pse po punoj shumë dhe po bëj të pamundurën për të luajtur dhe të konkurroj në nivele të larta, e vërteta është se për momentin nuk mund të luaj. Nuk e keni idenë se sa e vështirë është kjo për mua. Por, e vetmja gjë që mund të bëj është të pranoj realitetin dhe të shoh me entuziazëm nga e ardhmja, me dëshirën se gjërat mund të përmirësohen”, deklaroi Nadal.

Monte Carlo do të jetë kryeqendra e tenisit duke nisur nga 7 prilli e deri në datën 14, ku yjet e këtij sporti do të garojnë për fitimin e një tjetër trofeu sezonal.

LEXONI GJITHASHTU:

• ‘Djokoviç më i miri në histori’, Nadal elozhe serbit: Arritje të padiskutueshme
• Djokoviç ‘shkëlqen’ në Londër, tenisti serb fiton mes spektaklit, mposht Kaçin