Kryeministri Edi Rama ka publikuar në rrjetet sociale pamje nga puna në aeroportin e Vlorës, i cili sipas tij do të jetë më i madhi në Ballkan.

Kryeministri thekson se aeroporti i Vlorës është një ndër investimet më të rëndësishme për ekonominë e vendit.

“Dhe me punën që vijon në rrugën e Aeroportit të Vlorës, i cili do të jetë aeroporti më i madh në Ballkan dhe një ndër investimet më të rëndësishme për ekonominë e vendit, ju uroj një ditë të mbarë”, shkruan Rama krah videos me pamjet nga punimet në këtë aeroport.

Aeroporti i Vlorës do të presë udhëtime të drejtpërdrejta edhe me Shtetet e Bashkuara të Amerikës.

Aeroporti do të shtrihet në një sipërfaqe prej 297 hektarësh. Nga këto, 16.000 m2 do të jetë zona e terminalit të pasagjerëve. Parkingu i avionëve do të jetë 46.690 m2, nga të cilat 32.000 m2 do të jenë për pozicionet e avionëve dhe 2000 m2 do të jetë sipërfaqja e shërbimit zjarrfikës.

LEXONI GJITHASHTU:

• Ministrja Balluku: S’ka faunë në zonën ku po ndërtohet aeroporti i Vlorës
• Aeroporti i Vlorës rrezik për shpendët, zhurma e kamionëve tremb pelikanët