Rama: Dënojmë sulmin me raketa që rrezikoi jetën e Mitsotakisit dhe Zelenskyt

Kryeministri Edi Rama ka reaguar lidhur me sulmin e bërë ditën e djeshme në Odessa, në afërsi të autokolonës së presidentit Volodymyr Zelensky, kur ky i fundit pritej të zhvillonte një takim me kryeministrin e Greqisë.

Me anë të një postimi në platformën “X” (i njohur dikur si Twitter), Rama tha se e dënon fuqishëm sulmin me raketa i cili rrezikoi jetën e kryeministrit Mitsotakis dhe Presidentit Zelensky. Ai shtoi se këto sulme janë provokime të pamatura dhe të rrezikshme.

“Ne dënojmë fuqishëm sulmin me raketa ruse në Odessa që rrezikoi jetën e kryeministrit Mitsotakis të Greqisë, mikut dhe aleatit të përkushtuar të NATO-s dhe Presidentit Zelensky, të cilin pata kënaqësinë ta prisja javën e kaluar në Tiranë. Këto janë provokime të pamatura dhe të rrezikshme”,-shkruan Rama.

LEXONI GJITHASHTU:

• Rusia sulmon Odesën, ndërsa kryeministri grek Micotaqis vizitonte qytetin port
• Sulmohet autokolona e Zelenskyt, 150 metra larg delegacionit ku ndodhej Mitsotakis