Rama konferencë me Macron: I lumtur! Forcojmë marrëdhënien Shqipëri-Francë

Kreu i qeverisë Edi Rama ka mbajtur një konferencë të përbashkët me presidentin francës Emmanuel Macron që ndodhet prej mbrëmjes së djeshme ne vendin tonë.

Në fjalën e tij, numri një i qeverisë theksoi se është i lumtur që ka në krah Macron duke theksuar faktin se vizita e tij është sinjal për forcimin e marrëdhënies mes Shqipërisë dhe Francës.

Rama theksoi se është  shpresë plotë që Macron do të udhëheqë një proces riangazhimi të BE në funksion të ribashkimit të Europës.

“Jam shumë i lumtur që pas një pritje të paktën shekullore, në Shqipëri vjen shefi i shtetit francez.  Kjo vizitë është shumë më tepër sesa një vizitë formale, është një vizitë miqësore dhe një vizitë angazhimi për të thelluar më tej marrëdhënien mes Francës dhe Shqipërisë që po të shikojmë të gjitha të dhënat konkrete kanën njohur një zhvillim të papritur dhe të shumëpritur në vitet e fundit, si rezultat i angazhimit të Francës në rajon.

Një marrëdhënie e cila duhet të kalojë procesin tradicional të Integrimit Europian dhe duhet të jemi të në gjendje që në çdo hap t’u japë vendeve të BP mundësinë e Bashkimit me Europën pa rënë në kurthin e traditës së procesit të integrimit, që në konceptimin tim duhet të vazhdojë në meritën e çdo vendi, por nuk duhet lënë që të bëhet një arsye për ankth dhe pasiguri në raport me të ardhmen europiane. Në kushtet kur autokracitë po marrin gjithmonë e më shumë një avantazh më demokracitë si rezultat i mundësisë për të marrë vendimmarrje strategjike dhe për t’i marrë ato shpejtë.

Jam shumë i lumtur që në fjalën e mbrëmshme, presidenti e tha qartë që zgjerimi i BE nuk duhet të pengojë ribashkimine e Europës. Jam shpresë plotë që Macron do të udhëheqë një proces riangazhimi të BE në funksion të ribashkimit të Europës për të ndërtuar dy binarë të një treni ku në një anë çdo vend të bëjë detyrat e shtëpisë dhe nga ana tjetër marrëdhëniet e BE dhe çdo vendi dhe marrëdhënie shumë të thella me impakt të drejtpërdrejt në ekonominë tona dhe në shoqërinë tona”-tha Rama.

LEXONI GJITHASHTU: 

• Rama takim me Macron, nënshkruhen marrëveshje bashkëpunimi mes dy vendeve
• Macron në Tiranë: Vizita ime në Shqipëri korrigjon historinë