Kryeministri Edi Rama ka konfirmuar se do të marrë pjesë në samitin e BE-së. Nëpërmjet një postimi në Twitter, kreu i qeverisë shqiptare shprehet se do të kërkojë që të dëgjohemi për idenë e një Komuniteti të Ri Politik Evropian.

“Sapo dëgjova që diçka po lëviz sot në Bullgari. Shumë herët për të qenë optimist dhe shumë pak për të ndryshuar pjesën e fjalimit të nesërm ku Bullgaria kritikohet si një vend që ka rrëmbyer dy vende të NATO-s, ndërkohë që ka një luftë të nxehtë në kufirin e Evropës!

Ne do të marrim pjesë në mbledhjen e Këshillit të BE-së. Nuk do të ketë shumë për të dëgjuar për ne, por ne do të kërkojmë të dëgjohemi për idenë e një Komuniteti të Ri Politik Evropian që ne mbështesim, për Ballkanin e Hapur që çon përpara frymën e Evropës dhe për rrëmbimin tonë nga Bullgaria që shkatërron atë”, shkruan Rama në Twitter.

Ndërkohë nuk dihet ende nëse do të marrin pjesë kryeministrat e Serbisë dhe RMV-së.

Sot ka pasur sinjale pozitive nga Bullgaria për mundësinë e heqjes së vetos ndaj Maqedonisë së Veriut.

Ish-kryeministri bullgar, njëkohësisht dhe kreu i opozitës, Boyko Borisov i ka kërkuar kryeministrit Krill Petkov që të sjellë propozimin për t’i hapur rrugën hapjes së negociatave për Shqipërinë dhe Maqedoninë e Veriut.

LEXONI GJITHASHTU:

• Kreu i opozitës bullgare: I hap rrugë negociatave për Shqipërinë dhe RMV
• Vuçiç merr sot vendimin për pjesëmarrjen në Samitin BE-Ballkani Perëndimor