Rama: Marrëdhëniet shqiptaro-greke më të ngushta se sa i ka bërë të duket politika

Kryeministri Edi Rama tha në fjalën e mbajtur në takimin me emigrantët shqiptarë në Athinë se marrëdhëniet shqiptaro-greke janë më të ngushta se sa i ka bërë të duken politika e dy vendeve.

Ai tha se pavarësisht politikës rrugët e Shqipërisë me Greqinë janë pashmangshmërisht të ndërlidhura.

“Ju shqiptarët e Greqisë jeni sot një vlerë e shtuar e ekonomisë, dijes e kulturës i këtij vendi të bekuar ku prej 25 shekujsh qëndron djepi i filozofisë dhe demokracisë.

Gjatë historisë rrugët e shtëpive tona, luftërat, përrallat, marrëdhëniet tona  kanë qenë shumë më të lidhura sa ç’janë lënë të duket. Edhe sot dukja e marrëdhënieve tona thotë shumë më pak se realiteti, ndërthurja e jetëve dhe lidhja e rrugëve të së ardhmes të pandashme mes shqiptarëve dhe grekëve”,-tha kryeministri Rama.

LEXONI GJITHASHTU:

• “Grekëve në Shqipëri s’i mohohet asnjë e drejtë”, Rama: Kërkojmë të njëjtin respekt
• Rama mesazh Mitsotakis: Eshtë koha e mirëqënies dhe lirisë, të jetojmë në harmoni